Sigurborg Stefánsdóttir
Sigurborg Stefánsdóttir (f. 28. janúar 1959) er íslensk myndlistarkona. Hún fæst jöfnum höndum við bókverkagerð og málun. Sigurborg nam myndlist við Skolen for Brugskunst- Danmarks designskole (nú KADK) í Kaupmannahöfn í Danmörku árin 1982-1987 og útskrifaðist frá teikni og grafíkdeild skólans, eftir m.a eitt ár við textíldeild skólans.[1][2] Auk þess hefur hún tekið þátt í ýmsum námskeiðum m.a. í Bandaríkjunum, Japan og Mexíkó. Hún starfaði um árabil sem kennari við Myndlista og handíðaskóla Íslands og Listaháskóla Íslands en vinnur nú eingöngu að eigin myndlist. Hún hefur haldið á þriðja tug einkasýninga og takið þátt í fjölmörgum samsýningum, víða um heim.
Sigurborg myndskreytti barnabók Einars Kárasonar frá árinu 1999, Litla systir og dvergarnir sjö.[3] Sigurborg myndskreytti íslensku þjóðsöguna Grautardalls sögu árið 2004.
Tilvísanir[breyta | breyta frumkóða]
- ↑ „Sigurborg Stefánsdóttir | Artótek“. www.artotek.is. Sótt 18. október 2023.
- ↑ „Vera - 6. tölublað (01.12.1990) - Tímarit.is“. timarit.is. Sótt 18. október 2023.
- ↑ „Litla systir og dvergarnir sjö | Bókmenntaborgin“. bokmenntaborgin.is. Sótt 18. október 2023.