Míkís Þeoðorakís
(Endurbeint frá Mikis Theodorakis)
![](http://upload.wikimedia.org/wikipedia/commons/thumb/6/6b/Griekse_componinst_Mikis_Theodorakis_in_Nederland%2C_Theodorakis_in_televisiestudi%2C_Bestanddeelnr_925-3321.jpg/220px-Griekse_componinst_Mikis_Theodorakis_in_Nederland%2C_Theodorakis_in_televisiestudi%2C_Bestanddeelnr_925-3321.jpg)
Míkhaíl „Míkís“ Þeoðorakís (gríska: Μιχαήλ "Μίκης" Θεοδωράκης, fæddur 29. júlí 1925 – látinn 2. september 2021) var grískt tónskáld sem samdi yfir 1000 verk. Hann var undir áhrifum frá grískri þjóðlagatónlist. Þeoðorakís samdi tónlist fyrir kvikmyndirnar Grikkinn Zorba (1964), Z (1969) og Serpico (1973).
Þeoðorakís var vinstrisinnaður og var tengdur Gríska kommúnistaflokknum. Hann var kosinn á þing 1964, 1981 og 1990 og varð eitt sinn ráðherra. Hann var þekkt rödd og tákn gegn herforingjastjórninni 1967–1974 og var fangelsaður, pyntaður og tónlist hans bönnuð.