Johannes Kepler
![](http://upload.wikimedia.org/wikipedia/commons/thumb/d/d5/Johannes_Kepler.jpg/220px-Johannes_Kepler.jpg)
Johannes Kepler (27. desember 1571 – 15. nóvember 1630) var þýskur stjarnfræðingur og stærðfræðingur. Hann er þekktastur fyrir þrjú lögmál sem við hann eru kennd, eitt þeirra segir að reikistjörnurnar ferðist á sporbaugslaga brautum umhverfis sól sína, með sólina í öðrum brennipunkti sporbaugsins. Fyrstu tvö lögmálin setti hann fram 1609 og það þriðja 10 árum síðar. Lögmálin voru reynslulögmál, sem þýðir það að þau voru byggð á athugunum og mælingum, en ekki útleidd stærðfræðilega. Niðurstöður sínar byggði hann á athugunum Tycho Brahe. Það beið þar til Isaac Newton kom fram með þyngdaraflslögmál sitt, sem segir að tveir hlutir dragist hvor að öðrum í réttu hlutfalli við massa þeirra og í öfugu hlutfalli við fjarlægðina á milli þeirra í öðru veldi. Út frá þessu lögmáli Newtons má síðan leiða lögmál Keplers stærðfræðilega.
![](http://upload.wikimedia.org/wikipedia/commons/thumb/e/e8/Kepler_-_Ad_Vitellionem_paralipomena_quibus_astronomiae_pars_optica_traditur%2C_1604_-_158093_F.jpg/170px-Kepler_-_Ad_Vitellionem_paralipomena_quibus_astronomiae_pars_optica_traditur%2C_1604_-_158093_F.jpg)
Tengill[breyta | breyta frumkóða]
- Stjörnufræðivefurinn: Keplerssjónaukinn Geymt 17 janúar 2011 í Wayback Machine
![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)